10 Funny at Mautak na Petsa de Peligro Moves

Feature StoriesLeave a Comment

Falling euro coins
Share on FacebookTweet about this on TwitterShare on LinkedInShare on Google+

Alin sa mga petsa de peligro moves na ito ang ginagawa mo?

1. Dear Ate Linda

Dahil hindi mo na alam kung aabot ang natitirang pera mo hanggang sa susunod na sweldo, pinapalista mo na lang yung mga kinain mo sa coop, o sa carinderia. Buti ka-close mo si Ate Linda.

Ate Linda of Ate Linda's Eatery

2. Sagip Kapamilya

Natuto kang maglambing sa mga magulang mo, baka sakaling maawa sila sa iyo at pautangin ka. Alam ko nasa isip mo—sana makalimutan na nila ang utang mo o, kaya naman, hindi ka na nila pagbayarin.

Son getting money from his dad

3. De Lata University

Daig mo pa ang binigyan ng relief goods dahil halos araw-araw ang baon mo de-latang ulam. Sardinas sa Lunes, tuna sa Martes, corned beef sa Miyerkules… ‘Di bale nang kumapit sa de-lata kaysa sa patalim.

Putting contents of the canned good onto the plate

4. Hating Kapatid

Toka kayo ng kaibigan o jowa mo sa pagkain para makatipid. Sa ‘yo ang kanin at sa kanya ang ulam o vice versa. Pero alam n’yo sa sarili n’yong ‘di pa rin ito effective kasi parehas kayong matakaw.

Dog and baby fighting over food

5. Friends with Benefits

O mas kilala sa teknik na “buraot.” Sasabay ka sa mga kaibigan mo mag-lunch, at hihingi o aantayin mong alukin ka nila ng ulam. Ayos, parang nasa fiesta lang, ah?

Dog in a food feast

6. Laglag Barya

Itinaob, ibinaligtad, o itinaktak ang alkansya, pantalon, mga nagamit na bag, o ano pang gamit na posibleng may natira pang barya o pera na pwedeng maidagdag kahit sa pamasahe man lang.

Woman dropping the coins from her pouch

7. Alay Lakad

Ang dating hindi nilalakad, ngayon ay tinityaga nang lakarin para makatipid sa pamasahe. Masaya itong gawin lalo na pag may kasamang kaibigan o ka-ibigan. Alay lakad para sa budget!

The Beatles walking on the street

8. Diet-Dietan

Akala ng mga ka-opisina mo nagdi-dyeta ka na dahil oatmeal o kape lang ang almusal mo at di ka na nagmemeryenda. Pero ang totoo, umiiwas ka lang gumastos sa pagkain para kumasya ang budget mo hanggang sa susunod na sweldo.

Girl eating oatmeal

9. The Contortionist

Lahat na ng paraan ng pagtitipid ginawa mo na para lang mapagkasya ang tatlong araw na budget sa isang linggo. Dito mo lang ma-rerealize na sana hindi ka masyadong nagtakaw nung may pera ka pa.

Cat trying not to fall from the bed

10. Raketeer

Teknik kung halos wala na talaga. Hahanap ng sideline o magbibenta ng “pre-loved” na damit o gamit para ma-extend ang budget. Ica-caption mo pa na “rush sale” para makaakit ng buyers.

busy woman at the office

Share on FacebookTweet about this on TwitterShare on LinkedInShare on Google+

Leave a Reply

Your email address will not be published. Required fields are marked *